სახელმწიფო უსაფრთხოების სამსახურის უფროსი ვახტანგ გომელაური ნატოს სპეციალური ოპერაციების შტაბის მეთაურს, ვიცე-ადმირალ კოლინ კილრეინს შეხვდა.
სახელმწიფო უსაფრთხოების სამსახურის ინფორმაციით, შეხვედრაზე მხარეებმა ნატოსა და საქართველოს შორის უსაფრთხოების სფეროში თანამშრომლობის მნიშვნელობას ხაზი გაუსვეს და კონკრეტული მიმართულებები მიმოიხილეს.
მათივე ინფორმაციით, საუბარი ასევე შეეხო ნატოს სპეციალური ოპერაციების შტაბსა და სახელმწიფო უსაფრთხოების სამსახურს შორის თანამშრომლობის გაღრმავების პერსპექტივებს. მხარეებმა ასევე ისაუბრეს ჰიბრიდულ საფრთხეებზე და მათთან გამკლავების კუთხით თანამშრომლობის საკითხებზე.
კომენტარები