საქართველოს გენერალურმა პროკურატურამ 20-21 ივნისის მოვლენებთან დაკავშირებით, კიდევ ერთი ვიდეო გაავრცელა, სადაც შს სამინისტროს დაკავებული თანამშრომლის ქმედებებია ასახული.
ვიდეოში ჩანს, რომ სამართალდამცველი აქციის ერთ მონაწილეს დამიზნებით ესვრის, სავარაუდოდ, რეზინის ტყვიას, რის შედეგადაც მონაწილემ ფეხის არეში დაზიანება მიიღო. მას შემდეგ, რაც დაშავებული სხვა მონაწილეებმა ტერიტორიიდან გაიყვანეს, ვიდეოში ჩანს, რომ იგივე სამართალდამცველი კვლავ დამიზნებით ესვრის აქციის სხვა მონაწილეს ისევ ფეხის არეში. 
გენერალურმა პროკურატურამ შინაგან საქმეთა სამინისტროს აღნიშნული თანამშრომელი სამსახურებრივი უფლებამოსილების გადამეტებისათვის, საქართველოს სისხლის სამართლის კოდექსის 333-ე მუხლის მე-3 ნაწილის ,,ბ“ ქვეპუნქტით დააკავა.
კომენტარები