ჯანდაცვის სამინისტრო კლინიკების მონიტორინგს იწყებს

საქართველოს შრომის, ჯანმრთელობისა და სოციალური დაცვის სამინისტრო კლინიკების მონიტორინგს იწყებს. ჯანდაცვის მინისტრის მოადგილის, ზაზა ბოხუას ინფორმაციით, მოსახლეობისთვის უსაფრთხო და ხარისხიანი სამედიცინო მომსახურების მიწოდების მიზნით, სამინისტრო აქტიურად ჩაერთვება ხარისხის მართვის პროცესში.
„აღნიშნულის ფარგლებში, თითოეულ სამედიცინო დაწესებულებაში გადამოწმდება ინფრასტრუქტურასთან, აღჭურვილობასთან, სამედიცინო პერსონალთან, ინფექციური კონტროლის ღონისძიებასთან, ხარისხის შიდა სისტემის ფუნქციონირებასა და სამედიცინო სერვისის მიწოდებასთან დაკავშირებული ის სპეციფიკური პირობები, რაც არის სამედიცინო მომსახურების ხარისხისა და უსაფრთხოების საფუძველი. გავატარებთ ქმედით ღონისძიებებს ქვეყანაში სამედიცინო მომსახურების გაუმჯობესებისათვის“, – აცხადებს ზაზა ბოხუა.