„მავანნი კვლავ ცდილობენ სახელმწიფოს ისტერიულ რელსებზე გადართვას, რომ ვიყოთ სულ განცდაში, სულ რაღაც საშიშის მოლოდინში. ჩვენ არ ვდავობთ იმაზე, რომ ქვეყნის გარკვეული ტერიტორიები ოკუპირებულია; არ ვდავობთ, რომ გამოწვევებია ჩვენს წინაშე. ასევე, არ ვდავობთ, ჩვენი სამშობლო ჩვენი საპატრონოა, ჩვენი განსავითარებელი და ჩვენი შესანარჩუნებელი, ის მშვიდობა, რომელიც ჩვენი შვილების მომავალია”, – ამის შესახებ პარლამენტის თავდაცვისა და უშიშროების კომიტეტის თავმჯდომარის მოადგილემ, კობა კობალაძემ დღეს გამართულ პრესკონფერენციაზე განაცხადა.
მისივე თქმით, ტრაგედიაა, რომ კონკრეტულ ქმედებებს კონკრეტული შეფასებები არ ეძლევა ან დაგვიანებულია.
„როდესაც ვსაუბრობთ 2008 წელზე, ეს იყო უდიდესი ტრაგედია. ნებისმიერი ასეთი დაპირისპირებია და საომარი მოქმედების დროს ქვეყნის გენოფონდის საუკეთესო ნაწილი მიდის. ჩვენ თუ დავაკვირდებით იმ პროცესებს, რომლებიც იქ მიმდინარეობდა, აღმოვაჩენთ, ჩვენი ქვეყნის საუკეთესო მოქალაქეები და სამხედროები, შემართებული ახალგაზრდები წავიდნენ. რატომ? იმიტომ, რომ მათ აღასრულეს ყველაზე დიდი – სიკვდილით სიკვდილს აჯობეს. მაგრამ, რეალურად, ჩვენ თითოეული მსხვერპლი ისეთი ძვირად დაგვიჯდა. ეს ყველაფერი კი წავიდა იმისკენ, რომ ბოლოს ადამიანის ფსიქიკურ ზემოქმედებაზე აღმოაჩინეს და გაატარეს მოდელირებული ქრონიკა. ეს კიდევ ტრაგედია იყო. ჩვენ მივდივართ რეალური შეფასებისკენ. ჩვენი ყველაზე დიდი ტრაგედია არის ის, რომ კონკრეტულ ქმედებებს კონკრეტულ შეფასებებს არ ვაძლევთ ან ვაგვიანებთ”, – განაცხადა კობა კობალაძემ.
კობა კობალაძე: “მოდელირებული ქრონიკა” ადამიანის ფსიქიკურ ზემოქმედებაზე გაატარეს
2019/08/02 15:47:08
კომენტარები
ნანახია: 789 ჯერ