სააკაშვილმა მაშინ თქვა: “ეს არსება სასტიკი და დაუნდობელიაო”…
სახელმწიფო უსაფრთხოების ყოფილი მინისტრი, – ვალერი ხაბურძანია, ნიკა გვარამიას ზურაბ ადეიშვილთან ამ დღეებში ჩაწერილ ინტერვიუს ფეისბუქზე ეხმიანება და წერს :
“დიხოტომიური პერფექციონიზმის ვიჟენარი თიმპლეიარის ბენჩმარკები…#ქართველოხალხო (პოლიტიკურო) არ მოაბრუნოთ ესენი ხელისუფლებაში, ესენი ყველა “თავის შეცდომას” (დანაშაულს) “გამოასწორებენ” და რაც დაგვაკლეს აგვინაზღაურებენ.
ახლა ამ არსების მატერიალური ასკეტიზმის მითის შესახებ; არსება იმიტომ, რომ როდესაც სააკაშვილმა წარადგინა ჩემს მომდევნო მინისტრად უშიშროებაში, ზუსტად ეს სიტყვები თქვა: ამ არსებას რომ უყურებთ უბრალო არ გეგონოთ, ძალიან დაუნდობელი, სასტიკიაო (ვიდეოკადრები არსებობს ალბათ და ამოიღეთ). მოკლედ ადეიშვილის ვითომ ასკეტიზმს და კორუფციულად წესიერებას მივუბრუნდეთ, 2004 წლის აპრილია თუ არ ვცდები და დსთ-ს ღონისძიებაა მოსკოვში წავიდა დელეგაცია, ბარამიძე, ოქრუაშვილი, ადეიშვილი, მე და ერთი-ორი კაცი მოადგილეების რიცხვიდან, მე მაშინ ჩემდა ჭირად დათანხმებული გენპროკურორის მოადგილე ვარ. მოკლედ მოსკოვში დაგვხვდნენ ჩემი მეგობარი და მისი ძმა (ქართველი ებრაელები), რომლებთანაც უკვე საკუთარი ურთიერთობა ჰქონდათ გაბმული ამ ლუმპენბნელიტას, სხვათა შორის სააკაშვილს ამ ჩემგან გაცნობილი ებრაელების მიერ ნაყიდი ზილის ბრენდის პალტო ეცვა ინაუგურაციაზე ( ეს პალტო ათეულამდე ათასი დოლარი ღირდა). ჰოდა ადეიშვილს მოჰკიდეს ხელი ამ ჩემგან გაცნობილმა ებრაელებმა და წაიყვანეს ჩასაცმელ-დასახურად, რამდენიმე საათში მობრუნდნენ ЦУМ-დან და “პატრიკ ჰელმანი”დან და აი სოციალურად დაბალი პასუხისმგებლობის ქალზე რომ ფილმია “pretty women” სასტუმროში ნაყიდების რიგი რომ შემოდის და მერე მსახიობ ჯულია რობერტსის გმირი (ბოდიში ჯულიასთან ამ არსებას რომ ვადარებ ), ისე მოაბრძანეს ბატონი ჰარიპოტერა, უკვე ასე ეძახდნენ. საღამოს ღამის კლუბში ისევ ზრდილობიანად რომ ვთქვათ, დაბალი სოციალური პასუხისმგებლობის ქალებთან წაიყვანეს და იქაც, როგორც ქალებმა აღნიშნეს, ძალიან ასკეტური იყო. ეს ასკეტიზმი კი გარეგნული სატყუარაა და ყველამ იცის, რომ ადეიშვილი ყველაზე დიდ თანხებს აკონტროლებდა და სააკაშვილის გარემოცვაში მის გარდა ცალ-ცალ კალოშიანებიდან აღზევებული 4-5 მილიარდელი თუ არა ასობით მილიონის მქონე ნამდვილად მოითვლება.” – წერს ხაბურძანია