635 სამხედრო მოსამსახურისთვის, სახელმწიფო თანადაფინანსებით, ბინები აშენდება – განაცხადა პრემიერ-მინისტრმა მამუკა ბახტაძემ.
“ჩვენი სამხედროების სოციალური უზრუნველყოფა ჩვენი მთავრობის უმნიშვნელოვანესი პრიორიტეტია და სწორედ ამიტომ, აღნიშნული პროექტი ითვალისწინებს 635 სამხედრო მოსამსახურისთვის, სახელმწიფო თანადაფინანსებით, ბინების მშენებლობას.
სწორედ ამ პროექტის მიმდინარეობასთან დაკავშირებით, დღეს შევხვდი თავდაცვის მინისტრსა და ამხანაგობის ხელმძღვანელ სამხედროებს და მათგან მოვისმინე შუალედური ანგარიში.
ჩვენ გავაკეთებთ ყველაფერს იმისთვის, რომ საქართველოს სამსახურში მდგომი სამხედრო მოსამსახურეებისა და მათი ოჯახებისთვის ყოველი მომდევნო დღე იყოს უკეთესი!”- განაცხადა პრემიერმა.
კომენტარები