ამაზონის ტყეებში გაჩენილმა ხანძარმა მსოფლიო გააერთიანა. დედამიწის ფილტვები იწვის – ამ სლოგანით ერთიანდება მსოფლიო, Twitter-ზე ჰეშთეგი #PrayforAmazonia შეიქმნა.
ამაზონის ტყის ხანძარს მსოფლიო საფეხბურთო ვარსკვლავები ინსტაგრამზე გამოეხმაურნენ, მათ შორის არის პორტუგალიის ნაკრებისა დას ტურინის “იუვენტუსის“ თავდამსხმელი კრიშტიანუ რონალდუ. “ამაზონი მსოფლიოს ჟანგბადით 20 პროცენტით კვებავს და ის ბოლო 3 კვირის განმავლობაშ იწვის. ჩვენი ვალია, ჩვენი პლანეტა გადავარჩინოთ“, – წერს რონალდუ ინსტაგრამზე.
არგენტინისა და ტურინის “იუვენტუსის“ თავდამსხმელი პაულო დიბალა “ინსტაგრამზე“ ამაზონის ხანძრის ფოტოს ფილტვების გამოსახულებით აქვეყნებს და წერს: „ამაზონი იწვის. ამაზონი მხოლოდ სამხრეთ ამერიკა არ არის, ის ყველას ეკუთვნის. მისი ტყე დედამიწის ფილტვებია და ის ჩვენს პლანეტას ჟანგბადის 20 პროცენტით ამარაგებს. ამაზონი მთელი მსოფლიოს ტყეა და ის იწვის. ამაზონი არ იმსახურებს ამ ყველაფერს, დედამიწა არ იმსახურებს ამ ყველაფერს, ყველამ უნდა გავაკეთოთ მის გადასარჩენათ რამე“, – წერს პაულო დიბალა.
ბრაზილიელისა და „ბარსელონას“ მცველი დანი ალველში “ინსაგრამზე“ ამაზონის ხანძარს ვრცელ პოსტს უთმობს.
„ჩვენთვის მწვანე ნიშნავს იმედს, თუმცა ადამიანები ამას ივიწყებენ. მათ აქვთ პრეტენზია კარგი განათლების მიღების, სოციალური თანასწორობის, მაგრამ ყოველთვის ივიწყებენ საკუთარ მოვალეობებს. მათ, ვინც ვერ ახერხებს ბუნებაზე ზრუნვას, მათ არასოდეს ექნებათ მოთხვნა რაიმე საკიტხზე. პატივი ვცეთ ბუნებას, ეს არის ამ ცხოვრების უდიდესი ძალა, არც ადამიანები და არც ყალბი ძალები ვერ შეძლებენ ამის განადგურებას“, – დანი ალვეში.
