უფლებათა დაცვის კომიტეტის თავმჯდომარე სოფო კილაძე სოფელ ჩორჩანასთან მიმდინარე მოვლენებს გამოეხმაურა. როგორც მან აღნიშნა, ქართული მხარე პრინციპულად არ შეასრულებს რუსეთის უკანონო და უსამართლო მოთხოვნებს. მისივე თქმით, მნიშვნელოვანია, რომ აღნიშნულ საკითხზე საერთაშორისო პარტნიორები ინფორმირებულები არიან.
“რუსეთი აგრძელებს საოკუპაციო პოლიტიკას და ჩვენ პრინციპულად არ შევასრულებთ მათ უკანონო და უსამართლო მოთხოვნებს. ჩვენთვის მნიშვნელოვანია, რომ საქმის კურსშია მთელი საერთაშორისო თანამეგობრობა, პარტნიორები. ასევე, ადგილზე იმყოფებიან არჩილ თალაკვაძე, ქეთი ციხელაშვილი და სხვა ოფიციალური პირები. მნიშვნელოვანია, რომ ეს საქართველოს სახელმწიფო პოლიციის საგუშაგოა, რომელიც იცავს ჩვენი მოქალაქეების უფლებებს, მათ უსაფრთხოებას და ჩვენს ხელთ არსებულ ყველა მექანიზმს გამოვიყენებთ იმისთვის, რომ ჩვენი ქვეყნის საუკეთესო ინტერესებით გადაწყდეს ეს საკითხი. მოვუწოდებ ჩვენ ოპონენტებს, თავი შეიკავონ თავისი ვიწროპარტიული ინტერესების გატარებისგან, რადგან ესე ეხება ჩვენს სამშობლოს და აქ ყველანი ერთიანი უნდა ვიყოთ”,- განაცხადა კილაძემ.
“მოვუწოდებ ჩვენ ოპონენტებს, თავი შეიკავონ თავისი ვიწროპარტიული ინტერესების გატარებისგან”
2019/08/30 12:50:23
ნანახია: 453 ჯერ