ხაშური-აგარის მონაკვეთზე მომხდარი ავარიის დროს დაშავებული სამართალდამცველის ჯანმრთელობის მდგომარეობა უკიდურესად მძიმეა. ის სპეციალური ვერტმფრენის საშუალებით, ქარელის საავადმყოფოდან თბილისში, ერთ-ერთ კლინიკაში გადმოიყვანეს.
როგორც ქარელის ცენტრალური საავადმყოფოს ექიმები აცხადებენ, პოლიციელი კლინიკაში კომატოზურ მდგომარეობაში შეიყვანეს. მათივე ცნობით, პაციენტს ჩაუტარდა ყველა სახლის პირველადი დახმარება, მდგომარეობის დასტაბილურების შემდეგ კი, მისი თბილისში გადაყვანა გადაწყდა.
საავადმყოფოში ამბობენ, რომ საპატრულო პოლიციის თანამშრომლის მდგომარეობა ამ დრომდე უკიდურესად მძიმეა.
ხაშური-აგარის მონაკვეთზე გზისპირა ზოლში გაჩერებულ საპატრულო პოლიციის მანქანას ავტომაგისტრალზე მოძრავი ტრაილერი შეეჯახა.
კომენტარები