საბერძნეთის შსს გაუჩინარებული 32 წლის საქართველოს მოქალაქის სალომე გოგინაშვილის შესახებ ინფორმირებულია.
ამის შესახებ „კვირას“ საქართველოს საგარეო საქმეთა სამინისტროში განუცხადეს.
მომხდარის შესახებ ასევე ინფორმირებულია საბერძნეთში საქართველოს საკონსულო, „კონსულს აქვს მუდმივი კომუნიკაცია, როგორც დაკარგული მოქალაქის ოჯახის წევრებთან, ასევე ადგილობრივ სამართალდამცავებთან“.
სალომე გოგინაშვილის გაუჩინარების შესახებ სოციალურ ქსელში მისმა დედამ ნონა კუპრაშვილმა დაწერა. მშობლების ინფორმაციით, სალომე ბოლოს ატიკის მეტროსთან ახლოს იმყოფებოდა.
კომენტარები