„პირველ რიგში მინდა საზოგადოებას ბოდიში მოვუხადო ამ უმსგავსო საქციელისთვის“ , -აცხადებს უმრავლესობის დეპუტატი ვანო ზარდიაშვილი ეკა ბესელიასთან დაპირისპირების კომენტირებისას.
მისი თქმით საზოგადოება არ არის ღირსი, რომ საკანონმდებლო ორგანოში მსგავსი კადრები იხილოს.
„ჩემდაუნებურად, მე ამ პროცესში ჩათრეული ვიყავი და საზოგადოება არ არის იმის ღირსი, რომ ჩვენ საკანონმდებლო ორგანოდან ვანახოთ მსგავისი პროცესები, ხოლო რაც შეეხება კონკრეტულად ქალბატონ ეკა ბესელიას. მე მისთვის არანაირი შეურაცხყოფა არ მიმიყენებია, იგი მუდმივად ცდილობს, ამ პროცესში თავის დამკვიდრებას და პოლიტიკური ფსკერიდან თავის ამოწევას.
მან იკადრა ყველაფერი ის, რაც იკადრა. სამწუხაროდ, ჩვენ ვნახეთ ადამიანის უფლებების დაცვის კომიტეტის ყოფილი თავმჯდომარე, რომლისთვისაც ძალადობა მისი ინსტრუმენტებია ქართულ პოლიტიკაში თავის დასამკვიდრებლად, შესაბამისად დაველოდები თუ როგორ განვითარდება პროცესები. მისგან ეს საქციელი ჩემთვის მოულოდნელი არ იყო“ , – აცხადებს ზარდიაშვილი.
კითხვაზე, ფიქრობთ, რომ პარლამენტი ეკა ბესელიამ უნდა დატოვოს? , ზარდიაშვილი პასუხობს:
„მე ერთადრთი რამით ვარ კმაყოფილი, რომ ქალბატონი ეკა საკმაოდ კარგად ახერხებს მოირგოს სხვადასხვა ნიღაბი და საზოგადოების წინაშე წარსდგეს, როგორც კეთილსინდისიერი პოლიტიკოსი. მაგრამ რეალურად, იგი აბსოლუტურად სხვა მოვლენაა, მასთან დაკავშირებით არსებობს უმრავი კითხვები და იმისთვის რომ მან ამ კითხვებს პასუხი არ გასცეს, იკადრებს ყველაფერს“, – განაცხადა ზარდიაშვილმა.
ზარდიაშვილი აცხადებს, რომ ეთიკის საბჭოში საჩივრის შეტანას მისთვის მნიშვნელოვანი იქნებოდა.
„ეთიკის საბჭოში საკითხის შეტანა ჩემთვის იქნებოდა მნიშვნელოვანი, ერთი მარტივი საკითხის გამო, საზოგადოებას დაენახა წალბატონი ეკას სახე. ჩემი აზრით მან დღეს კარგად დაანახა თავისი სახე, შესაბამისად, ეკა ბესელიასთან მიმართებაში დამოკიდებულება და ზოგადოებისთვის მიმინდვია“, – განაცხადა უმრავლესობის დეპუტატმა.
შეგახსენებთ, დღეს პარლამენტში ეკა ბესელია და ვანო ზარდიაშვილი ერთმანეთშ დაუპირისპირდნენ.