ინგლისის პოლიციამ სატვირთო მანქანაში ნაპოვნი 39 მიგრანტის ცხედრების საქმეზე დაკავებული 2 კაცი და 1 ქალი გირაოს სანაცვლოდ გაათავისუფლა. ამის შესახებ BBC წერს.
გამოცემის ინფორმაციით, 46 წლის ჩრდილოეთ ირლანდიელი კაცი და 39 წლის ჯოანა და ტომას მაერები ჩეშირის საგრაფოდან გასულ ოთხშაბათს, მკვლელობის და ტრეფიკინგის ბრალდებით დააკავეს.
ესექსის საგრაფოში სატვირთო მანქანის კონტეინერში 31 კაცისა და 8 ქალის ცხედარი 23 ოქტომბერს იპოვეს. 26 ოქტომბერს პოლიციამ მანქანის მძღოლ მორის რობინსონს მკვლელობაში ბრალი წაუყენა. ამ ეტაპზე სამართალდამცველები ცხედრების იდენტიფიცირებაზე მუშაობს, რისთვისაც დახმარება ვიეტნამს სთხოვეს, რადგან დაღუპულთა უმრავლესობა სავარაუდოდ ამ ქვეყნიდან იყო.
კომენტარები