ქართველი ექიმი ვაჟა გაფრინდაშვილი 41-ე დღეს ოკუპანტების ტყვეობაშია, მას საოკუპაციო რეჟიმი ე.წ საზღვრის დარღვევას ედავება, რომელსაც გაფრინდაშვილი არ აღიარებს. ვაჟა გაფრინდაშვილის ე.წ. სასამართლო პროცესი დაიწყო. ექიმის ოჯახს მოლოდინი აქვს, რომ ვაჟა გაფრინდაშვილს გაათავისუფლებენ.
ჩრდილოეთ ოსეთში მომუშავე ადვოკატი ვლადიმირ ფიდაროვი, რომელიც ვაჟა გაფრინდაშვილის უფლებებს იცავს, კომენტარისგან თავს იკავებს და მოლოდინებზე არ საუბრობს.
საქართველოს ადვოკატთა ასოციაციის თავმჯდომარე დავით ასათიანი აცხადებს, რომ არსებობს ყველა შესაძლებლობა იმისა, რომ ვაჟა გაფრინდაშვილი გათავისუფლდეს:
“დღეს არის ყველა შესაძლებლობა იმისა, მათ შორის იმ პროცედურებით რაც არსებობს ცხინვალში, რომ ბატონი ვაჟა გაფრინდაშვილის საკითხის გადაწყვეტა მოხდეს კეთილგონიერების პრინციპის საფუძველზე, ის საბოლოოდ გათავისუფლდეს და დაუბრუნდეს თავის ჩვეულ პროფესიულ საქმიანობას და თავის ოჯახს,”– განაცხადა დავით ასათიანმა.