სოზარ სუბარი – ძალიან მძიმე დღეები გადავიტანეთ ყველამ ერთად

“ვაჟა ექიმი თავისუფალია, უკვე შეხვდა ოჯახის წევრებს და მათთან ერთად არის. ძალიან ძნელი იქნებოდა მისი გათავისუფლება, რომ არა მთელი ქართული საზოგადოების და ჩვენი მეგობრების ერთიანობა და ოჯახის წევრების დღე და ღამე აქტიურობა – ამის შესახებ პრემიერ-მინისტრის მრჩეველმა რეგიონულ საკითხებში სოზარ სუბარმა განაცხადა.
სუბარის თქმით, ვაჟა გაფრინდაშვილი უკვე შეხვდა ოჯახის წევრებს და მათთან ერთად არის.
“ვაჟა ექიმი თავისუფალია, უკვე შეხვდა ოჯახის წევრებს და მათთან ერთად არის. ჯანმრთელობის მდგომარეობა ნორმალურია, თუმცა ძალიან მძიმე დღეები გადავიტანეთ ყველამ ერთად, არამარტო ოჯახმა, არამარტო ჩვენ, მისმა თანამოქალაქეებმა, სხვა ყველა კეთილი ნების ადამიანმა, ამ წუთებშიც არაერთი ზარი იყო ჩვენი მეგობრებისგან, ლატვიის ყოფილი პრეზიდენტი და უამრავი მეგობარი უცხოეთიდან ურეკავენ და კითხულობენ მის ამბავს, მისი ჯანმრთელობის ამბავს. ძალიან ძნელი იქნებოდა მისი გათავისუფლება, რომ არა მთელი ქართული საზოგადოების და ჩვენი მეგობრების ერთიანობა და ოჯახის წევრების დღე და ღამე აქტიურობა, – განაცხადა სოზარ სუბარმა.