სურამში მომხდარ მკვლელობასთან დაკავშირებით ახალი დეტალები ხდება ცნობილი. „მთავარი არხის“ ინფორმაციით, გარდაცვლილი 26 წლის ბეტა ნაჭყებიაა.
ქალი მეუღლემ ლოგინში მოკლა. ადგილობრივების ინფორმაციით, ცოლ-ქმარი ერთად არ ცხოვრობდა და ისინი დროებით დაშორებულები იყვნენ. მათ 5 წლის ბავშვი ჰყავთ.
შემთხვევის ადგილზე ამ დროისთვის ექსპერტ-კრიმინალისტები მუშაობენ.
შემთხვევა ცოტა ხნის წინ მოხდა. მომხდარ ფაქტზე გამოძიება სისხლის სამართლის კოდექსის 109-ე მუხლის მეორე ნაწილის „ვ“ ქვეპუნქტით მიმდინარეობს.
შსს-ს ინფორმაციით, დანაშაულის ჩამდენი პირი იდენტიფიცირებულია და მიმდინარეობს შესაბამისი საგამოძიებო მოქმედებები ბრალდებულის ადგილსამყოფელის დასადგენად და მის დასაკავებლად.
აღნიშნული მუხლით გათვალისწინებული ბრალდება თავისუფლების აღკვეთის ვადით 14-დან 17 წლამდე ითვალისწინებს.