საბჭოთა თუ რუსული ჰიმნით სპეკულაცია ყავლგასული და მოძველებული მეთოდია, რომელსაც ჩვენი ოპონენტები პერიოდულად მიმართავენ და ამით თავს იჭრიან, – ამის შესახებ პარლამენტის პირველმა ვიცე-სპიკერმა გია ვოლსკიმ „ევროპული საქართველოს“ წარმომადგენლების მიერ პარლამენტში რუსეთის ჰიმნის ჩართვის საკითხზე საუბრისას განაცხადა.
როგორც გია ვოლსკიმ აღნიშნა, ადრე „ნაციონალური მოძრაობას“ ჰქონდა რესურსი, რომ რუსეთისთვის საშუალება მიეცათ, აგრესია და ოკუპაცია განეხორციელებინა, რისი რესურსიც დღეს მათ არ აქვთ.
„ღმერთმა ნუ ქნას, მათ კიდევ მიეცეთ სიტუაციის მართვის საშუალება. ფაქტები მეტყველებენ, რომ მათ დღეს ხელკეტები არ აქვთ და დღეს ჟურნალისტების მიკროფონებით დაგვდევენ. ღმერთმა ნუ ქნას, რომ ამ ხელკეტების აღების საშუალება ჰქონდეთ. მათ არ აქვთ რესურსი, რომ რუსეთს რამე დამატებითი უპირატესობა მისცენ. ღმერთმა ნუ ქნას, რომ ეს რესურსები მათ კვლავ მიეცეთ“, – განაცხადა გია ვოლსკიმ.