შინაგან საქმეთა მინისტრის მოადგილის თქმით, ამ დროისთვის, უწყების არც ერთი თანამშრომელი არ იმყოფება საკარანტინო ზონაში.
„ამ ეტაპზე, შინაგან საქმეთა სამინისტროს არც ერთი თანამშრომელი არ იმყოფება საკარანტინო ზონაში და საბედნიეროდ, არც ერთი შემთხვევა არ გვქონია, სადაც, ვთქვათ, გამოვლინდა ან დაუდგინდა შინაგან საქმეთა სამინისტროს თანამშრომლებს კორონავირუსის ფაქტები. როგორ აღვნიშნე, ჩვენ მაქსიმუმს ვაკეთებთ იმისთვის, რომ ასეთ ინციდენტები თავიდან ავიცილოთ, რაც თავის თავში გულისხმობს სპეციალური საშუალებებით სამინისტროს თითოეული თანამშრომლის აღჭურვას, რომელსაც შესაძლოა, მოუხდეს უშუალო კომუნიკაციის დამყარება მოქალაქესთან, რომელიც შეიძლება იყოს რისკის შემცველი. შინაგან საქმეთა სამინისტრო აბსოლუტურად მომზადებულია, უფრო მეტიც, ჯანდაცვის სამინისტროსთან პერმანენტული კომუნიკაციით ხდება ამ მარაგების შევსება და საჭიროების შემთხვევაში, ჩვენ, რა თქმა უნდა, მზად ვართ, რომ დამატებით მოხდეს შესყიდვა ყველა იმ საშუალების, რაც შეიძლება დასჭირდეთ ჩვენს თანამშრომლებს ვირუსის წინააღმდეგ ბრძოლის პროცესში“, – განაცხადა ნინო ცაციაშვილმა.