შინაგან საქმეთა სამინისტრომ ცხოველის წამებისა და სასტიკი მოპყრობის ფაქტზე 31 წლის მამაკაცი დააკავა. ინტენსიური საგამოძიებო მოქმედებების შედეგად, დაკავებულს ბრალი სისხლის სამართლის კოდექსის 259-ე მუხლის პირველი ნაწილით წარედგინა, რაც 1 წლამდე პატიმრობას ითვალისწინებს.
შინაგან საქმეთა სამინისტრომ ბორჯომში ცხოველის მიმართ სასტიკი მოპყრობის ფაქტზე გამოძიება გუშინ დაიწყო. გამოძიებით დადგინდა, რომ ჰასკის ჯიშის მაკე ძაღლი ახალგაზრდა მამაკაცმა კორპუსის მე-12 სართულიდან გადააგდო. ძაღლის მდგომარეობა მძიმეა.
ის თბილისში, ვეტერინალურ კლინიკაში გადაიყვანეს, სადაც დღეს ოპერაცია ჩაუტარდა. მუცლად მყოფი ლეკვები მკვდრები არიან, თავად ძაღლს კი მრავლობითი მოტეხილობები და შიდა სისხლდენა აღენიშნებოდა.
კომენტარები