უმძიმესი საყურებელია არა მხოლოდ ჩემთვის, არამედ დარწმუნებული ვარ იმ მოქალაქეებისთვის, რომლებიც ამას უყურებენ, კომპეტენციისგან, შინაარსისგან დაცლილი, სასოწარკვეთილი და დეგრადირებული ოპოზიცია, – ამის შესახებ საქართველოს პრემიერ-მინისტრმა, გიორგი გახარიამ პარლამენტში განაცხადა.
როგორც გიორგი გახარიამ აღნიშნა, დღეს ადამიანები ელოდებოდნენ, რომ პარლამენტში საუბარი იქნებოდა პანდემიაზე, ეკონომიკაზე და კიდევ ბევრ სხვა რაღაცეებზე, თუმცა ყველას დაავიწყდა ეს საკითხები.
„მესმის ადამიანების, რომლებიც ამას ყველაფერს უყურებე. მათ იცოდნენ, რომ დღეს იყო ინტერპელაცია ორი ოპოზიციური პოლიტიკური გუნდის. ეს ადამიანები ელოდნენ, რომ ვისაუბრებდი ეპიდემიაზე, ეკონომიკაზე, კიდევ ბევრ რაღაცაზე და დღეს ყველას დაავიწყდა ეს კითხვები, ყველა გადავიდა პოლიტიკური განცხადებების რეჟიმში. გავიგეთ და ყველას გვესმის, რომ ეს პარლამენტია, პოლიტიკური პროცესი დაწყებულია, მაგრამ ყველა შემთხვევაში, რომ ქვეყანა საგანგებო მდგომარეობის პირობებში იმყოფება, იბრძვის რამდენიმე ფროტზე ერთდროულად. როდესაც დღესაც რვა ინფიცირებული გყვავს, გლობალურ კონკურენციაში ყველას კარგად გვესმის, ხვალ და ზეგ გამოწვევები გვექნება უამრავი. მიუხედავად იმისა, რომ სულ სხვა რაღაცის თქმას ვაპირებდი ახლა ცოტა სხვანაირად მინდა ვთქვა. უმძიმესი საყურებელია და დარწმუნებული ვარ, არა მხოლოდ ჩემთვის, იმ ადამიანებისთვისაც, იმ მოქალაქეებისთვის, რომლებიც ამას უყურებენ კომპეტენციისგან, შინაარსისგან დაცლილი, მორალზე საერთოდ არ ვსაუბრობ, სასოწარკვეთილი და დეგრადირებული ოპოზიცია, რომელიც ცდილობს, გაჭირვება, ბავშვების გაჭირვება, თითოეული მოქალაქის სიღარიბე გამოიყენოს. შოკურ კრიზისზე ადამიანები გვთავაზობენ, გრძელვადიანი ინსტრუმენტებისა და სახელმწიფო რესურსების დღეს ამოღებას. დახარჯვას. აღარ მინდა საპენსიო ფონდზე საუბარი, მაგრამ ყველას უნდა გვესმოდეს, რომ საპენსიო ფონდი არის ჩვენი მოქალაქეების მოხუცებულობაში სოციალური გარანტია, რომელიც თურმე დღეს უნდა დავხარჯოთ“, – განაცხადა გახარიამ.
მისივე თქმით, კრიზისი არის შესაძლებლობა, ყველაფერი უნდა გაკეთდეს, რომ ამ კრიზისის შემდგომ ქვეყანაში არ დარჩეს დაუსრულებელი მშენებლობები, ათობით ათასი ადამიანი არ გაღატაკდეს, რადგან მათ საცხოვრებელი პირობების გასაუმჯობესებლად გადაიხადეს თანხები და დარჩნენ საკუთრების გარეშე.
„ჩვენ ეს არ უნდა დავუშვათ. ჩვენ უნდა გავაკეთოთ ის, რომ ამ კრიზისის შემდგომ, ჩვენი ჯანდაცვის სისტემა იყოს კიდევ უფრო ძლიერი. უნდა გვესმოდეს, რომ ინფექცია და „კოვიდი“ სამწუხაროდ იქნება ჩვენთან ერთად და უნდა შევძლოთ ამ რისკების მართვა, რათა არასდროს აღარ მოგვიწიოს ისეთ მკაცრი შეზღუდვების დაწესება, რომელიც მოგვიწია ამ ბოლო ორი თვის განმავლობაში. გარწმუნებთ, ჩვენ ამას მივაღწევთ. ეს არ იქნება მარტივი, ჩენ მოგვიწევს ყოველდღიური შრომა, ყველაფერი უნდა გავაკეთოთ, რათა ერთად ვიზრუნოთ ერთმანეთზე, ამ ქვეყანაზე და ყველაფერი გავაკეთოთ, რათა ეს უახლოესი ექვსი თქვე, რომელიც იქნება რთული ეპიდემიოლგიური, გამოწვევების თვალსაზრისით, ჩვენ უნდა ჩავატაროთ შესანიშნავი, იდეალური არჩევნები ამ ქვეყანაში. ის, რაც დღეს აქ ხდებოდა, როდესაც ადამიანები, რომლებიც ცდილობენ, იმის მაგივრად, რომ ობიექტური, შინაარსობრივი ოპონირება გაწიონ, იქცევიან, როგოც ინსტიქტებით მართული, ემოციებით გაბრაზებული, ხელების ქნევით ყვირილით და ა.შ. შემდგომ ამას ყველაფერს ეძახიან ევროპულ, შინაარსობრივ ოპონირებას. ეს ის პირობებია, რომელშიც ჩვენ მოგვიწევს ეს ექვსი თვე მუშაობა. იმედი მაქვს და დარწმუნებული ვარ, ჩვენი მოქალაქის სიბრძნეში, დარწმუნებული ვარ მათ თანადგომაში და დარწმუნებული ვარ, მათ მხარდაჭერითა და მათ გადაწყვეტილებით, შემდგომი პარლამენტი იქნება ბევრად ხარისხიანი, შინაარსობრივი და ბევრად უფრო კომპეტენტური“, – განაცხადა გიორგი გახარიამ.