შინაგან საქმეთა მინისტრმა, ვახტანგ გომელაურმა რუსთავში პოლიციელებს მისი და პრემიერ-მინისტრის, გიორგი გახარიას სახელით მადლობა გადაუხადა.
“მინდა, მადლობა გითხრათ ბატონი პრემიერისგან და პირადად ჩემგან იმისთვის, რაც გააკეთეთ ამ სამი თვის განმავლობაში.
მძიმე იყო, მესმის, აქ ცხოვრობდით თითქმის, აქ იყავით სულ, ყველა დღე და ღამე, ოჯახებს ვერ ნახულობდით. ყველაზე რთული რეგიონი თქვენი იყო. კარგად გაართვით თავი, კრიმინალს რომ თავი დავანებოთ, კორონავირუსის თემაზე კარგად მუშაობთ და ყველაფერი კარგად მიდის. ჯერჯერობით, რა თქმა უნდა, დამთავრებული არ არის კორონავირუსთან ბრძოლა, ამიტომ გაუფრთხილდით თქვენს თავს, თქვენს ოჯახებს და რა თქმა უნდა, მოსახლეობას და მოქალაქეებს. მართლა მადლობლები ვართ.
გადაეცით მადლობა ჩემგან და პრემიერისგან ყველას, პირველ რიგში, თქვენ და მერე ყველა რიგითს, ვინც ასრულებდა მოვალეობას”, – განაცხადა შინაგან საქმეთა მინისტრმა ვახტანგ გომელაურმა რუსთავში, პოლიციის ახალი შენობის გახსნის ღონისძიებაზე.