გიორგი გაბუნიას სავარაუდო მკვლელობის აღკვეთით, ხელისუფლებამ დესტაბილიზაცია აიცილა თავიდან. ამის შესახებ მამუკა არეშიძემ „იმედის“ გადაცემაში „არენა“ განაცხადა. ექსპერტის თქმით, ასეთი რამ რომ მომხდარიყო, მმართველი გუნდის ოპონენტები ამას საკუთარ ინტერესებში გამოიყენებდნენ.
„რომ მომხდარიყო ეს ყველაფერი ქვეყანა დესტაბილიზაციის რეჟიმში შევიდოდა. გავიხსენოთ რა ვითარებაა დღეს ქვეყანაში, როგორი პოლიტიზირებულია საზოგადოება და სამწუხაროდ როგორ ეფექტიანად გამოიყენებდა დღეს ხელისუფლების მოწინააღმდეგე ძალა ამ ვითარებას, ასეთი რამ რომ მომხდარიყო“, – აღნიშნა არეშიძემ.
მისივე თქმით, საქმეში ამ ეტაპზე ბევრი კითხვა ჩნდება და არ არის გამორიცხული, რომ მომხდარში მესამე მხარეა დაინტერესებული, რომელსაც საქართველოში დესტაბილიზაცია აწყობს.
„თუ გავიხსენებთ სანაიას სიკვდილს, რომელიც დღემდე ბუნდოვანებით არის მოცული, ისეთი განწყობა მაქვს დღემდე, რომ იქ მკვლელობა, თუ მკვლელობას დავარქმევთ ამას, სულ სხვა მიზეზით, სულ სხვა ადამიანების მიერ და სულ სხვა რამისთვის – იმ შედეგისთვის, რომელიც, პრინციპში დადგა. ხაზგასმული იყო მაშინდელი ხელისუფლების სისუსტე. არ არის გამორიცხული ასეთი რამ ყოფილიყო გაბუნიას შემთხვევაშიც“, – ამბობს ექსპერტი.