თბილისის საქალაქო სასამართლოში გიორგი გაბუნია და ნიკა გვარამია მაგისტრატი მოსამართლის წინაშე დღეს დაიკითხებიან. ამის შესახებ მათმა ადვოკატმა, დიმიტრი საძაგლიშვილმა განაცხადა.
ადვოკატის თქმით, მისი დაცვის ქვეშ მყოფების მაგისტრატი მოსამართლის წინაშე დაკითხვა სუს-ისადმი უნდობლობიდან გამომდინარეობს.
„გიორგი გაბუნია და ნიკა გვარამია დაბარებული არიან დაკითხვაზე მაგისტრატ მოსამართლესთან 11:00 საათზე და 13:00 საათზე, შესაბამისად ისინი გამოცხადდებიან თბილისის საქალაქო სასამართლოში და გავცემთ პასუხებს კითხვებზე, რომლებიც ექნება სახელმწიფო უსაფრთხოების სამსახურს. პოზიცია, სასამართლოში მომხდარიყო მათი დაკითხვა გამომდინარეობს იქიდან, რომ პრინციპში სახელმწიფო უსაფრთხოების სამსახურიდან აქამდეც არაერთხელ ყოფილა ნიკა გვარამიას დაკითხვის მცდელობა და ყოველთვის ჩვენი პოზიცია იყო, რომ სასამართლოში მომხდარიყო დაკითხვა, ეს გამომდინარეობს უნდობლობიდან რასაც, რა თქმა უნდა, ობიექტური საფუძვლები გააჩნია. დაკითხვის პროცედურასთან დაკავშირებით არანაირი მოლოდინი არ მაქვს, ისედაც ზოგადად საქმესთან დაკავშირებით გამიჭირდება რაიმე კონკრეტულ მოლოდინზე საუბარი, რადგან ჩემთვის უცნობია საქმის მასალები“, – განაცხადა ადვოკატმა, დიმიტრი საძაგლიშვილმა.