ე.წ კანონიერი ქურდი მინდია გორაძე, იგივე „ლავასოღლი“ თურქეთის ციხიდან გაათავისუფლეს. ის ამჟამად ბელორუსიაში საემიგრაციო პატიმრობაში იმყოფება.
„პარასკევს გამოუშვეს ციხიდან და რამდენიმე საათი მისცეს დრო, რომ თურქეთის ტერიტორია დაეტოვებინა. იმ დროს მხოლოდ ბელორუსის მიმართულებით ხორციელდებოდა რეისი და ის ბელორუსიაში საემიგრაციო სამსახურში იმყოფება. ახლა ველოდებით სად მოხდება მისი გადაყვანა და ამაზეა დამოკიდებული გაგრძელდება თუ არა აქციები“, – განაცხადა უფლებადამცველმა თამაზ ბაკურიძემ.
მინდია გორაძე ქურდული სამყაროს წევრობისთვის გაასამართლეს. განაჩენის გამოტანის დროს ის საქართველოში არ იმყოფებოდა. გორაძე თურქეთში 2018 წლის ბოლოს დააკავეს და ამ დრომდე საექსტრადაციო პატიმრობაში იყო. ლავასოღლის საქართველოში ექსტრადირების მოთხოვნით პირველი ივნისიდან ბათუმში აქციება იმართება.