ავთანდილ ბილანიშვილის, იგივე კაწრო ადვოკატის, თამარ აბესაძის განცხადებით, საგამოძიებო ორგანომ თეთრპერანგიანი მამაკაცის ვინაობა დაადგინა, რომელიც გურამ ამირხანაშვილს შეხვდა.
„ავთანდილ ბილანიშვილმა მოიხადა მისი მოქალაქეობრივი ვალი იმ გავრცელებული ამაზრზენი ინფორმაციის საპასუხოდ, გამოცხადდა სამინისტროში, რათა წარედგინა ის მტკიცებულებები, ტელეფონის დეტალური ამონაწერი, ასევე სხვა მტკიცებულებები, რითაც დასტურდება, რომ ავთანდილ ბილანიშვილი იმ დროს, იმ მომენტში იქ არ იმყოფებოდა, არ გასულა საერთოდ უბნიდან.
მინდა გაცნობოთ, რომ ზუსტად ახლა სამინისტრომ, გამომძიებლებმა დაადგინეს ის თეთრპერანგიანი პირი, რომელზეც მთავარი არხი, რომ ამბობდა, რომ ეს იყო „კაწრო“.
ავთანდილ ბილანიშვილმა დაამტკიცა მისი უდანაშაულობა, რომ ის იქ არ ყოფილა. ბილანიშვილის ამ საქმეში მიკვრა არის პოლიტიკური ფონი“, – განაცხადა ადვოკატმა.
მისივე თქმით, დაპირისპირებულ მხარეში მონაწილეთაგან არავის არ იცნობს.