საქართველოს ყოფილი პრეზიდენტის, გიორგი მარგველაშვილის სიძის, მინდია გოგოჭურისთვის აღკვეთის ღონისძიების შეფარდების თაობაზე ოზურგეთის სასამართლო იმსჯელებს. დაკავებულის ადვოკატის, დავით ჩავლეიშვილის განცხადებით, გოგოჭური, რომელიც გუშინ სასტუმრო „პარაგრაფში“ დააკავეს, ბრალს არ აღიარებს და დუმილის უფლებას იყენებს.
გოგოჭურს ბრალი დღეს უკვე წარუდგინეს. მინდია გოგოჭურს გამოძიება, ძალადობასთან, იარაღის უკანონო შეძენა-შენახვა-ტარებასთან ერთად, ნარკოტიკების შეძენა-შენახვასაც ედავება.
„გოგოჭურს ბრალზე ხელი არ მოუწერია, რადგან „გაჩალიჩებულ“ ბრალდებას არ აღიარებს. მას არ სურს მედიასთან ამ თემაზე საუბარი და საქმის დეტალებზე ამიტომ ვერ ისაუბრებს“, – აცხადებს ადვოკატი დავით ჩავლეიშვილი.
კომენტარები