დღეს ლვოვის გამომცემელთა ფორუმზე მიხელ სააკაშვილის წიგნის “ძალის გამოღვიძება. საქართველოს გაკვეთილები უკრაინის მომავლისთვის” (“Пробуждение силы. Уроки Грузии – для будущего Украины”) პრეზენტაცია გაიმართება.
“უკრაინის მომავლის შესახებ”
“პუტინი კიევისთვის იბრძვის. მას ახსოვს საქართველოს შემთხვევა. ნახევარი წლის შემდეგ ევროპა და ამერიკა რუსეთს სანქციებს გაუუქმებს. იმ დროისთვის უკრაინის ეკონომიკა სრულიად დასუსტებული იქნება. ხალხს ემახსოვრება, რომ ქვეყანა ამ დღემდე პრო-დასავლურმა მინისტრებმა მიიყვანეს. დაიმახსოვრებენ, რომ ევროპამ მათ უღალატა და მაშინ უკრაინელებს შეიძლება რუსეთთან მოლაპარკება მოუნდეთ.
პუტინი დაელოდება ამ მომენტს. მითუმეტეს, როდესაც მას აქვს საქართველოსთან დაკავშირებული გამოცდილება. 2008 წლიდან მოყოლებული, საქართველო გაცხოველებული ტემპით ვითარდებოდა, ხოლო 2012 წელს ერმა გაწყვიტა, რომ ხელისუფლება ტყუილად ჯიუტობდა. პუტინმა თქვა, რომ საქართველოს 2012 წლის არჩევნები მისი ყველაზე წარმატებული ოპერაცია იყო.
უკრაინის მომდევნო არჩევნებზე იგი ამის გამეორებას შეეცდება. ამ შემთხვევაში იგი გაცილებით კომფორტულ გარემოში იმოქმედებს. ჩვენ ერთადერთი გამოსავალი გვაქვს: სცენაზე პოლიტიკოსების ახალი თაობა უნდა გავიყვანოთ. პოლიტიკური კლასის ცვლილება უკრაინის ეროვნული უსაფრთხოების საკითხია”, – წერს სააკაშვილი.