ბრიტანეთში, სფარი-პარკის ტერიტორიაზე დანებით შეიარაღებული ბაბუინების ჯოგი მანქანაში მსხდომ ადამიანებს თავს დაესხა. ამის შესახებ გამოცემა Metro წერს.
საფარი-პარკის თანამშრომლები აცხადებენ, რომ ეს ბაბუინების ადამიანებზე თავდასხმის მეორე შემთხვევაა. ბაბუინებმა მანქანას მოხსნეს სარკეები და სანომრე ნიშანი.
„შეიარაღებული ბაბუინები ქალაქის ლეგენდად იქცნენ, ვფიქრობთ, მოქალაქეების მხრიდან ამ თავდასხმების „გაბუქება“ ხდება. ისინი ამ ისტორიების გამრავალფეროვნების მიზნით თავდასხმის ისტორიაში ახალ დეტალებს იგონებენ“, – აცხადებენ საფარი-პარკის თანამშრომლები.
რაც შეეხება დანებსა და სახრახნისებს, თუ როგორ აღმოჩნდა ეს ნივთები მაიმუნების ხელში, საფარი-პარკის თანამშრომლებმა განმარტეს, რომ როგორც ჩანს, ეს ნივთები ბაბუნებმა ხელოსნებს მოპარეს, რომლებიც მათ ვოლიერებში შექმნილი ხარვეზების აღმოსაფხვრელად შედიან.