ქართულმა ნაციონალურმა ბალეტმა „სუხიშვილები“ საზოგადოებას ახალი პროექტი –„არტეფაქტები“ წარუდგინა. კონცერტს საქართველოს განათლების, მეცნიერების, კულტურისა და სპორტის მინისტრი მიხეილ ჩხენკელი დაესწრო.
„არტეფაქტები“ „სუხიშვილების“ პირველი პროექტია პანდემიის შემდეგ. იგი ილიკო სუხიშვილმა დადგა, მუსიკა კი გიორგი გვარჯალაძესთან ერთად დაწერა. კოსტიუმები მოცეკვავეებისთვის ანსამბლის დირექტორმა ნინო სუხიშვილმა თავად შექმნა.
კონცერტის დასრულების შემდეგ მიხეილ ჩხენკელმა ანსამბლის სამხატვრო ხელმძღვანელებსა და მოცეკვავეებს წარმატებული ჩვენება პირადად მიულოცა და სამინისტროს სამახსოვრო საჩუქრები გადასცა.
კონცერტი ღია ცის ქვეშ ჩატარდა, რომლის დროსაც გათვალისწინებული იყო ჯანდაცვის სამინისტროს რეკომენდაციები ღია სივრცეებში ღონისძიებების ორგანიზების შესახებ.
კომენტარები