საკრებულოს ყოფილი წევრი, სოსო მანჯავიძე სოციალურ ქსელში წერს:
„2012 წლის 19 სექტემბრიდან, ციხის კადრების გამოქვეყნების შემდეგ, ხშირად მეკითხებოდნენ -გვქონდა თუ არა სხვა კადრებიც და როდის გამოვაქვეყნებდით მათ.
მართალი გითხრათ, მეტად გავბეზრდი ამ შეკითხვებით, ვინაიდან გამოქვეყნებული კადრები სრულიად საკმარისი იყო რეჟიმის არაადამიანური სახის სამხილებლად და როცა კიდევ ერთხელ მკითხეს, საკმაოდ უხეშად ვუპასუხე, რომ პორნოგრაფიის ნახვა სხვაგანაც იოლად შეიძლებოდა.
არაჯანსაღი უარყოფითი ემოციის ცოხნის სურვილი დავინახე ამ დაჟინებულ შეკითხვებში.
ეს უცნაური, ავადმყოფური ვნება პირდაპირ კოვიდ-19-ვით არის მოდებული სოციალურ ქსელებში და არა მარტო იქ.
სამწუხაროდ, სწორედ ამ ვნებაზე “შესვა” ჩვენი თანამოქალაქეების საკმაოდ დიდი ნაწილი ნაც-ტელევიზიებმა.
ეს ხალხი ყოველდღე ისე ელოდება უარყოფითი ინფორმაციის ახალ დოზას, როგორც ნარკომანი-ნარკოტიკს.
და როგორც ნარკომანისთვის არ არსებობს არაფერი წმინდა და ნარკოტიკზე ღირებული,არც ოჯახი და არც მშობელი- ზუსტად იგივე სჭირთ ამ ინფორმაციული ბარიგებს და მათ მომხმარებლებს.
და როგორც ნარკომანებს -მეტი და მეტი დოზა უნდათ, ამათაც ” უბრალო” მკვლელობა და თვითმკვლელობა აღარ აკმაყოფილებთ, მათში მთავრობა , ბერა და ბიძინა უნდა მოხარშონ, შემდეგ ანჰიდრიდად საიდუმლოება, სამი მაღალჩინოსანი , გახარია, არჩევნები გაურიონ და დოზაც მზადაა.
როცა ამ სიამოვნებაში ხელი დაღუპულის ჭირისუფლებმა შეუშალეს, უყოყმანოდ გაწირეს ისინი, როგორც ეს “შემპალ” ნარკომანებს ახასიათებთ-ჭირისუფალ მშობლებზე თქვეს, ბავშვი გაყიდესო, რაც ზუსტად ერთი და იგივე საქციელია მორალური თვალსაზრისით, როგორც საკუთარი მშობლების წამალზე გაცვლა.
გერმანიაში ნაცისტებისთვის ნიურნბერგი რომ არ მოეწყოთ,და პროფესიებზე აკრძალვა არ დაეწესებინათ, ხოლო პროპაგანდის მანქანა ნაცისტური პარტიისათვის დაეტოვებინათ, ისინი პირველივე არჩევნებზე ხელისუფლებაში დაბრუნდებოდნენ.
ჩვენთან კი სამი ნაც-ტელევიზია ქუხს და გრიალებს.
ეს მდგომარეობა არის მორალურად აუტანელი,პოლიტიკურად საშიში და დამანგრეველი ქვეყნის მომავლისათვის.
ამიტომ ის უნდა დასრულდეს და რაც შეიძლება მალე.
ამისთვის მალე გადავდგამთ კონკრეტულ ნაბიჯებს მეგობრებთან ერთად.“