„ბარსელონას“ ფეხბურთელს, სამუელ უმტიტის კორონავირუსი დაუდგინდა. ინფორმაცია ამის შესახებ კატალონიური კლუბის ოფიციალურ ვებგვერდზე გავრცელდა.
„13 აგვისტოს ჩატარებული PCR-ტესტირების დროს სამუელ უმტიტის ტესტის პასუხი დადებითი აღმოჩნდა. ფეხბურთელს დაავადებისთვის დამახასიათებელი სიმპტომები არ აღენიშნება, ის თავს კარგად გრძნობს და თავის სახლში, კარანტინში იმყოფება. კლუბმა ამის შესახებ შესაბამის სპორტულ და სამედიცინო უწყებებს აცნობა. ინფიცირებულ ფეხბურთელთან კონტაქტში მყოფი ყველა ადამიანი ტესტირებას გაივლის“, – აღნიშნულია განცხადებაში.
აღსანიშნავია, რომ უმტიტი ტრავმირებული იყო, რის გამოც მას „ბარსელონას“ სხვა ფეხბურთელებთან კონტაქტი არ ჰქონია. მანამდე კორონავირუსი „ბარსელონას“ კიდევ ერთ მცველს, ჟან-კლერ ტოდიბოს დაუდგინდა.
კომენტარები