კორონავირუსის გავრცელების შეკავების მიზნით, ესპანეთში ღამის კლუბები დაიხურება, ხოლო საჯარო ადგილებში მოწევა აიკრძალება.
ესპანეთის ჯანდაცვის მინისტრმა, სალვადორ ილიამ კორონავირუსის შესაკავებლად 11 ზომა გამოაცხადა, რომელიც, მისი თქმით, ესპანეთის რეგიონების ჯანდაცვის ხელმძღვანელებთან იყო შეთანხმებული.
მინისტრის თქმით, რეგიონების მთავრობებს, რომლებსაც ჯანდაცვის სფეროში პოლიტიკის გატარების უფლებამოსილება აქვთ, უფრო მტკიცე ზომების მიღება შეეძლებათ, თუ საჭიროდ მიიჩნევენ.
ახალი შეზღუდვების თანახმად, ღამის კლუბები დაიხურება, ხოლო რესტორნები და ბარები ღამის პირველ საათამდე უნდა დაიხუროს. ამასთანავე, ბარებში და მსგავს დაწესებულებებში 1.5 მეტრის დისტანცია დაცული უნდა იყოს, ხოლო ერთ მაგიდასთან ათზე მეტი ადამიანი არ დაიშვება.
კომენტარები