ბელარუსის პრეზიდენტმა, ალექსანდრ ლუკაშენკომ ოპოზიციის მიერ საკოორდინაციო საბჭოს შექმნას ძალაუფლების ხელში ჩაგდების მცდელობა უწოდა. ამის შესახებ ლუკაშენკომ უშიშროების საბჭოს სხდომაზე განაცხადა.
ინფორმაციას ბელარუსული სახელწმიფო სააგენტო „ბელტა“ ავრცელებს.
„ისინი ჩვენ სხვა მხარეს გვიგდებენ და არც მეტი, არც ნაკლები, მათთვის ძალაუფლების გადაცემას ითხოვენ. ე.ი. ჩვენ ამას ვაფასებთ ცალსახად – ეს არის ძალაუფლების ხელში ჩაგდების მცდელობა“, – განაცხადა ლუკაშენკომ.
ასევე, ლუკაშეკომ ოპოზიციის საკოორდინაციო საბჭოს წევრები „ნაცისტებად“ მოიხსენია და განაცხადა, რომ ხელისუფლება კანონის ფარგლებში ადეკვატურ ზომებს მიმართავს.
„მინდა, გავაფრთხილო ყველა, ვინც ამ შტაბში შევიდა, რომ ჩვენ ადეკვატურ ზომებს მივიღებთ, თუმცა მხოლოდ კონსტიტუციისა და კანონის შესაბამისად. ჩვენ საკმარისი ზომები გვაქვს, რომ ზოგიერთი ცხელი თავი გავაგრილოთ“, – განაცხადა ბელარუსის პრეზიდენტმა.