აზერბაიჯანის თავდაცვის სამინისტროს ინფორმაციით, სომხეთის შეიარაღებული ძალების ლეიტენანტი ტყვედ აიყვანეს.
უწყების ინფორმაციით, 23 აგვისტოს სომხეთ-აზერბაიჯანს შორის კონფლიქტის ზონაში ვითარება დაიძაბა. მათივე თქმით, სომხეთის შეიარაღებულმა ძალებმა პროვოცირება გორანბოის რაიონის ფრონტის მიმართულებით სცადეს და ბრძოლის დროს აზერბაიჯანის მხარემ ტყვედ სომხეთის შეიარაღებული ძალების მთავარი ლეიტენანტი გურგინ ალბერიანი აიყვანა.
აზერბაიჯანმა საზღვარზე შექმნილი ვითარების გამწვავებისთვის პასუხისმგებლობა მთლიანად სომხეთის სამხედრო ხელმძღვანელობას დააკისრა.
შეგახსენებთ, რომ სომხეთ-აზერბაიჯანს შორის ბოლო რამდენიმე თვის განმავლობაში ეს პირველი დაპირსპირება არ არის.
12 ივლისს ტავუშისა და ტოვუზის საზღვარზე დაწყებულ შეტაკებებს, რომელიც რამდენიმე დღე გაგრძელდა, მსხვრპლიც მოჰყვა.