თერჯოლაში გარდაცვლილი 11 წლის ბავშვის მამამ, ზესტაფონის სასამართლოში პროცესზე, პროკურატურის შუამდგომლობის წარდგენის შემდეგ განცხადება გააკეთა. მისი მტკიცებით, შვილთან „იშვიათი“ ურთიერთობა ჰქონდა. ამასთან, გარდაცვლილის მამა, შვილის თვითმკვლელობამდე მიყვანისა და მასზე ძალადობის ბრალდებებს არ ეთანხმება.
“მე ვყოფილვარ, რაც ვყოფილვარ. რაც წერია, მაგას ჩემისთანა კაცი ვერ გააკეთებს. არ ვიცი, ამდენი ხანი ვყოფილვარ დასაჭერი. რა მაქვს დასამატებელი? – თუ უნდა დახვრეტა მოითხოვოს. როგორც მე და ჩემი შვილი ვიყავით, იშვიათია. უდედოდ გავზარდე, მე იქით მოვკვდები, ეს აქეთ, მაინც შევხვდებით ერთანეთს ძმაკაცურად. ჩემი ცხოვრება შრომაში ვარ. თურმე რეციდივისტი ვყოფილვარ, ისეთი თქვა პროკურორმა“, – განაცხადა ფრიდონ აბჟანდაძემ.
კომენტარები