ბოლო 24 საათის განმავლობაში, 68 ადამიანი გარდაიცვალა რუსეთში კორონავირუსული ინფექციიs შედეგად. კორონავირუსის შედეგად დაღუპულთა საერთო რაოდენობამ კი ქვეყანაში 17 093 ადამიანს მიაღწია, ამის შესახებ განაცხადეს ქვეყნის ინფექციის კონტროლის ოპერატიულ შტაბში.
მსხვერპლთა ყველაზე დიდი რაოდენობა გამოვლინდა მოსკოვში – 11. ექვსი ადამიანი გარდაიცვალა კრასნოიარსკის მხარეში, პეტერბურგში და ტუვაში – ხუთი ადამიანი, ვოლგოგრადის, როსტოვისა და ნიჟნი ნოვგოროდის რეგიონებში – ოთხ-ოთხი ადამიანი.
მოსკოვი ლიდერია კორონავირუსის შედეგად დაღუპულთა მაჩვენებლით (4 809 მსხვერპლი). ეს მთლიანი გარდაცვალების მესამედზე ოდნავ ნაკლებია.
ბოლო დღის განმავლობაში, რუსეთში კორონავირუსული ინფექციის 4 980 ახალი შემთხვევა დაფიქსირდა. საერთო ჯამში, რუსეთში ინფიცირების 990 326 შემთხვევაა გამოვლენილი.
ბოლო 24 საათში 2,599 ადამიანი სრულად გამოჯანმრთელდა. მთლიანობაში, ქვეყანაში კორონავირუსისგან განიკურნა 806 982 ადამიანი. 211,5 ათასზე მეტი პაციენტი ახლა ექიმის მეთვალყურეობის ქვეშ იმყოფება. როსპოტრებნადზორის თანახმად, მთელი პერიოდის განმავლობაში ჩატარდა 36,4 მილიონზე მეტი ლაბორატორიული გამოკვლევა კორონავირუსზე, მათ შორის 340 ათასი ბოლო დღეს.