რუსი ოპოზიციონერი პოლიტიკოსის, ალექსეი ნავალნის სახლს ყადაღა დაადეს, – ამის შესახებ Meduza.io იუწყება.
როგორც პოლიტიკოსის პრესსპიკერმა, კირა იარმუშმა განმარტა, ყადაღა ერთ-ერთი კომპანიის სარჩელის გამო დაედო, რომელიც, გავრცელებული ინფორმაციით, რუს ბიზნესმენს, ევგენი პრიგოჟინს უკავშირდება.
“ეს ნიშნავს იმას, რომ ნავალნის არ აქვს უფლება მოსკოვში მდებარე ბინა გაყიდოს, გააჩუქოს ან ბანკში ჩადოს”, – ამბობს პრესმდივანი.
მისივე თქმით, ყადაღა დაედო პოლიტიკოსის ანგარიშებსაც. აღსანიშნავია, რომ კომპანია “მოსკოვის სკოლელის” სარჩელის გამო მანამდე ყადაღა დაედო კიდევ ერთი რუსი პოლიტიკოსის, ლუბოვ სობოლის ანგარიშებს.
კომენტარები