აჭარის მსგავსად, სხვა რეგიონებში კარვების განთავსება არ იგეგმება, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.
„არავითარი კარავის დადგმა არ იგეგმება. ჩვენ თბილისში პილოტირება გავაკეთეთ და, კარავი გექნება, თუ მაგიდა, სამი დღის განმავლობაში ყველას შეეძლო მისვლა. მივიდა 988 ადამიანი და აღმოაჩნდა მხოლოდ შვიდს, რომელიც 0.7 პროცენტია. ანუ, თბილისში ჯერჯერობით ინფექციის აქტიური ცირკულაცია არ გვაქვს, ისევე როგორც მოგეხსნებათ, გაიტესტა მასწავლებლების დიდი ნაწილი, ვინც აჭარიდან იყო გამოსული. 1 800 გაიტესტა და 14 მასწავლებელში აღმოჩნდა, ყველაზე მეტი გურიის რეგიონში. აჭარის გარეთ შემთხვევების დიდი ნაწილი არის პირდაპირ კავშირში აჭარასთან, პირველად ან მეორეულ კავშირში“, – აღნიშნა ამირან გამყრელიძემ.
კომენტარები