სომხეთის მხრიდან ქალაქ ტერტერში მძიმე არტილერიის გამოყენების შედეგად 7 მშვიდობიანი მოქალაქე დაშავდა, – ამის შესახებ ინფორმაციას აზერბაიჯანული მედია ქვეყნის გენერალურ პროკურატურაზე დაყრდნობით ავრცელებს.
მათივე ინფორმაციით, შეტევა დღეს დილის 08:00 საათზე განხორციელდა. შვიდივე დაშავებული საავადმყოფოშია გადაყვანილი.
აზერბაიჯანის გენერალურ პროკურატურის ცნობით, საარტილერიო თავდასხმის შედეგად სამოქალაქო ინფრასტრუქტურა მნიშვნელოვნად დაზიანდა.
კომენტარები