თბილისის ინფექციური პათოლოგიებისა და შიდსის ცენტრის დირექტორის თენგიზ ცერცვაძის მიერ თანამდებობის შესაძლო დატოვებასთან დაკავშირებით გავრცელებულ ინფორმაციას დღეს გამართულ ბრიფინგზე ინფექციური საავადმყოფოს ბოქსირებული განყოფილების ხელმძღვანელი გამოეხმაურა.
მარინა ენდელაძის თქმით, ამასთან დაკავშირებით ინფორმაცია არ ჰქონია და თენგიზ ცერცვაძესთან ერთად ჩვეულ რეჟიმში აგრძელებენ მუშაობას. მარინა ენდელაძე ამბობს, რომ თენგიზ ცერცვაძე ქვეყანას და კოვიდინფიცირებულებს არ უღალატებს.
“იმის შესახებ, რომ ბატონი თენგიზი თანამდებობას ტოვებს, ჩემთვის არასდროს არ ყოფილა ცნობილი, რამდენადაც ბატონი თენგიზი მუდმივად არის ძალიან მძიმე დატვირთულ რეჟიმში, გვაქვს ჩვეულებრივი მუშაობის რეჟიმი, ყოველდღიური კონსილიუმები, თათბირები, ასე რომ ეს საკითხი ასეთი გასამახვილებელი არც იყო.
ბატონი თენგიზი არ დატოვებს თანამდებობას, ის არ უღალატებს არც ქვეყანას, არც კოვიდინფიცირებულებს და არავის,” – განაცხადა მარინა ენდელაძემ.