ჩვენ ამ უაზრო დისკუსიაში შესვლას არ ვაპირებთ ოპოზიციურ პარტიებთან, ეს ჩვენთვის დროის ფუჭი ფლანგვაა. ჩვენ სხვა მიზანი გვაქვს, ჩვენი მიზანია ხელისუფლების ცვლილება, სხვა პარტიებს, როგორც ჩანს, სხვა მიზანი აქვთ. ყველა თავად ირჩევს თავის გზას, საბოლოოდ 31 ოქტომბერს გამოჩნდება, ვისი სტრატეგია იყო სწორი, – „ერთიანი ნაციონალური მოძრაობის“ პოლიტიკური საბჭოს წევრი, ზაალ უდუმაშვილი გიგი უგულავას განცხადებას გამოეხმაურა და აღნიშნა, რომ მიხეილ სააკაშვილი ოპოზიციის დაშლაში დადანაშაულებით „პოლიტიკურ ქულებს ვერ ჩაიწერენ“.
„ვიღაცების მიზანია შევცვალოთ სტრატეგია და ჩავერთოთ ამ პოლემიკაში, ვიღაცები ცდილობენ ასეთი მეთოდებით პოლიტიკური ქულების დაწერას. მაგრამ ეს მხოლოდ მინუსებში წაიყვანს მათ“, – განაცხადა ზაალ უდუმაშვილმა.
„ევროპული საქართველოს“ ზუგდიდის მაჟორიტარი დეპუტატობის კანდიდატმა, გიგი უგულავამ სოციალური ქსელით ვრცელი მიმართვა გაავრცელა და მიხეილ სააკაშვილი ოპოზიციის დაშლაში დაადანაშაულა. ასევე, ამ პროცესში მერაბიშვილის როლზეც ისაუბრა.