აშშ-ში კორონავირუსით ხელახლა დაინფიცირების პირველი შემთხვევა გამოვლინდა. BBC-ის ინფორმაციით, 25 წლის მამაკაცს კორონავირუსი პირველად აპრილში დაუდასტურდა და რამდენიმე დღეში გამოჯანმრთელდა. Covid-19-ით მეორედ დაინფიცირების შემთხვევა კი გაცილებით რთული ფორმებით განვითარდა და პაციენტი მართვით სუნთქვაზე იმყოფებოდა.
გამოცემის ცნობით, ამჟამად მამაკაცი უკვე გამოჯანმრთელდა. ექიმების ინფორმაციით, პაციენტს კორონავირუსის ორი სხვადასხვა სახეობა დაუდასტურდა. მსგავსი შემთხვევები დაფიქსირდა ბელგიაში, ნიდერლანდებში, ჰონგ-კონგსა და ეკვადორშიც. მკვლევარების თქმით, აღნიშნული შემთხვევები ცხადყოფს, რომ პირები, რომლებსაც კორონავირუსი დაუდასტურდათ და განიკურნენ, ხელახლა დაინფიცირების რიკსის ქვეშ მაინც არიან.
კომენტარები