ჩეხეთში სკოლები და ბარები კვლავ დაიხურა. მოსწავლეები სასწავლო პროცესს სახლებში გააგრძელებენ, – ამის შესახებ BBC წერს.
ამასთან, იხურება კლუბებიც, რესტორნების მიწოდების სერვისზე კი, შეზღუდვები მკაცრდება.
საბავშვო ბაღები არ დაიხურება, თუმცა კრიტიკული მედიცინის სფეროში მომუშავეთა შვილებზე განსაკუთრებული ზომები გავრცელდება.
დროებით იხურება სტუდენტთა საცხოვრებლებიც.
ახალი შეზღუდვები 3 ნოემბრამდე იმოქმედებს.
მოსახლეობის რაოდენობაზე პროცენტული გაანგარიშებით, ქვეყანაში კოვიდინფიცირების მაჩვენებელი ყველაზე მაღალია.
ვირუსის დადასტურების დღიდან, 1-ლი მარტიდან ამ დრომდე, ჩეხეთში კორონავირუსს 1 051 ადამიანი ემსხვერპლა. ინფექციით გარდაცვალების ყველაზე მაღალი მაჩვენებელი 9 ოქტომბერს გამოვლინდა. ამ დღეს 52 კოვიდინფიცირებული გარდაიცვალა.
კომენტარები