სომხეთის პრემიერ-მინისტრი ნიკოლ ფაშინიანი აცხადებს, რომ აზერბაიჯანი სამხედრო მოქმედებებს მხოლოდ იმ შემთხვევაში შეწყვეტს, თუ მთიანი-ყარაბაღის საკითხზე თურქეთის პოზიცია შეიცვლება.
“დარწმუნებული ვარ, რომ სანამ თურქეთის პოზიციები უცვლელი რჩება, მანამდე აზერბაიჯანი ცეცხლს არ შეწყვეტს.
თურქეთი სამხრეთ კავკასიაში იმავე პოლიტიკას აწარმოებს, რასაც ხმელთაშუაზღვისპირეთში საბერძნეთისა და კვიპროსის წინააღმდეგ. ასევე, ლიბიაში, სირიასა და ერაყში. ეს არის ექსპანსიონისტური პოლიტიკა”, – განაცხადა ფაშინიანმა.
კომენტარები