საფრანგეთის მთავრობის გადაწყვეტილებით, კოვიდსიტუაციის გაუარესების გამო, ქვეყანაში 17 ოქტომბრიდან საგანგებო მდგომარეობა გამოცხადდება.
„ეპიდემიის საფრანგეთის ტერიტორიაზე გავრცელების გათვალისწინებით, კოვიდ-19 დიდ საფრთხეს წარმოადგენს ჯანდაცვის სისტემისთვის, რომელიც თავისი ბუნებითა და სიმძიმით საფრთხეს უქმნის მოსახლეობის ჯანმრთელობას. არსებული ვითარება საგანგებო მდგომარეობის გამოცხადებას ამართლებს, რათა პროპორციული ზომების გატარება მოხდეს“, – ნათქვამია საფრანგეთის მთავრობის დადგენილებაში.
აღსანიშნავია, რომ საგანგებო მდგომარეობის გამოცხადება მთავრობას მკაცრი შეზღუდვების დაწესების უფლებამოსილებას ანიჭებს.
პანდემიის დაწყებიდან დღემდე საფრანგეთში კორონავირუსის 756 472 შემთხვევა დადასტურდა, ხოლო 32 909 ადამიანი გარდაიცვალა.
კომენტარები