19 ოქტომბრიდან 2 ნოემბრამდე აზერბაიჯანში მკაცრი კარანტინის რეჟიმი იმოქმედებს. როგორც ადგილობრივი მედია იუწყება, ამის შესახებ გადაწყვეტილება მთავრობის ოპერატიულმა შტაბმა მიიღო.
ამ გადაწყვეტილების თანახმად, 19 ოქტომბრის 00:00 საათიდან 2 ნოემბრის 06:00 საათამდე მუშაობას შეწყვეტს ბაქოს მეტრო, არადადეგები გამოცხადდება ყველა სასწავლო დაწესებულებაში. ამავე პერიოდში საჯარო სამსახურებში თანამშრომლებთა რაოდენობა 30%-მდე შემცირდება, დანარჩენები კი მუშაობას დისტანციურ რეჟიმში განაგრძობენ.
გარდა ამისა, 65 წელს გადაცილებულ და მაღალი რისკის ჯგუფში შემავალ სხვა პირებს რეკომენდაცია ეძლევათ, საცხოვრებელი ადგილები მხოლოდ აუცილებლობის შემთხვევაში დატოვონ.
პანდემიის დაწყებიდან დღემდე, აზერბაიჯანში კორონავირუსის 43 280 შემთხვევაა დადასტურებული, დაღუპულია 619 ადამიანი.