ბათუმში რაც მოხდა, ამას თავისუფლად შეიძლება ეწოდოს დივერსიული აქტი, მით უმეტეს რომ შედეგები არის უკვე სახეზე. დღეები რომ გადავთვალოთ, როცა მოხდა ბათუმში გაორმაგება შემთხვევების რაოდენობის, პირდაპირ ემთხვევა იმ ვადებს, რა ვადებშიც ხდება ვირუსის გავრცელება, – ამის შესახებ ირაკლი კობახიძემ ბათუმში „ნაციონალური მოძრაობის“ აქციაზე საუბრისას აღნიშნა.
„ქართული ოცნების“ აღმასრულებელი მდივნის თქმით, ეს შეგნებული დივერსიული აქტი იყო.
„ეს არ იყო უბრალოდ უპასუხისმგებლო პოლიტიკური პარტიის ქმედება, ეს იყო შეგნებული დივერსიული აქტი. მიზანი იყო პანდემიის გავრცელება. მათ იმედი აქვთ, რომ მათ მიერვე გავრცელებული პანდემია რაღაცნაირად აისახება არჩევნების შედეგებზე, თუმცა კვლევები აჩვენებს იმას, რომ დივერსანტების წინააღმდეგ მცირდება რეალურად მხარდამჭერთა რაოდენობა და არა იმ პარტიების მიმართ, რომლებიც ებრძვიან კოვიდ-ინფექციას. შესაბამისად, მათი ასეთი დივერსიული აქტებიც ვერ გამოიღებს შედეგს და სამწუხაროა, რომ რაც მოხდა ბათუმში, გრძელდება სხვა რეგიონებში“, – განაცხადა კობახიძემ.