ექსპერტი ამირან სალუქვაძე სოციალურ ქსელში პოსტს აქვეყნებს.
“სუსტად მოემზადა ოცნება გუშინდელი დებატებისთვის რუსთავი2-ზე. არ იცოდით ლარი, ეკონომიკა და კრიმინალი რომ იქნებოდა მთავარი თემები?
თავად ამ დებატების შესახებ ბევრჯერ დავწერე. ვნახე ენმ-ის, პატრიოტების, ევროსაქების დებატები.
დებატებს ვერ ვუწოდებ. არაფრის მომცემი ფორმატია მოსახლეობითვის. 4 წუთი ეძლევა პარტიებს სამომავლო პროგრამების გასაშუქებლად, ხოლო 56 წუთი უაზრო კინკლაობაა.
წინა დებატებს აღარ გავიხსენებ. გუშინდელიდან ერთ მაგალითს მოვიყვან. შეიძლება ოკუპანტების მიერ ჩვენი მოქალაქეების მკვლელობები ხელისუფლებას პრეტენზიად წაუყენო? სხვა მთავრობა რომ ყოფილიყო, ტატუნაშვილს არ აწამებდნენ? რუსთავი2 იმ ხელისუფლების დროს მოქალაქეების გატაცებებს, კრიმინალს და გაჭირვებას რომ არ აშუქებდა, ახლაც ჰგონიათ, რომ სადღაც სკანდინავიაში ვცხოვრობდით. გადახედეთ გატაცებების სტატისტიკას 2008-დან დღემდე.
ლარის კურსზე ხომ გაგახსენეთ ადრე გიგი უგულავას ციხის მემუარები, სააკაშვილთან თათბირს რომ იხსენებს?! 2011-ში ჰქონდა კახა ბენდუქიძეს ლარის ჩამოშლის პროგნოზი და სთავაზობდა ევროზე გადასვლას. ლარი კი სიმბოლურად უნდა დარჩენილიყო. უარი მიიღო. 2014 წელს იწყება ლარის კურსის ვარდნა, რაც გამოწვეული იყო მსოფლიო ეკონომიკური კრიზისით, ერთი მხრივ, და ანტირუსული სანქციებით, მეორე მხრივ. გაიხსენეთ ნავთობის ფასის ვარდნის დინამიკა: 116 დოლარიდან 2014 წლის დასაწყისში, პირველად 2003 წლიდან მოყოლებული, 2015-ში უკვე 40 დოლარზე ქვემოთ დაეშვა, ხოლო 2016-ში ბარელი ნავეთობის ფასი 30 დოლარზე ქვემოთ იყო. ჩვენს ძირითად ეკონიმიკურ პარტნიორებში ამ კრიზისის დამახასიათებელი იყო ვალუტის ვარდნა, სამუშაო ადგილების და მოხმარების მოთხოვნის ვარდნა. გადახედეთ ლარის ვარდნის და კრიზისის დინამიკას. თუ გააკრახმალებდით ლარს, არ ვიცი. მაშინ გადახვედით ოპონენტებისგან თავდაცვის რეჟიმში, იმის ნაცვლად რომ ხალხისთვის კრიზისის მიზეზები აგეხსნათ. რომელი აყვავებული ადგილობრივი წარმოება და სავაჭრო ბალანსი დაგხვდათ, რომ ხელისუფლებაში მოსვლიდან ერთ წელში უმძიმესი მსოფლიო ეკონომიკური კრიზისის პირობებში ლარის კურსი არ შეცვლილიყო. იქნებ ძირითად ეკონომიკურ პარტნიორებად ამერიკა და ევროზონის ქვეყნები დაგხვდათ? ცალკე საკუთარი ეროვნულ ბანკს ებრძოდით. არ ვარ ეკონომისტი და არაფერს ვამტკიცებ. ვწერ როგორც ისეთივე მოქალაქე, რომელზეც აისახა კრიზისი. სხვა პრეტენზიები მაქვს მოქმედ ხელისუფლებასთან. ლართან დაკავშირებით ნაკლები. გადახედეთ რუსთავი2-ს გვერდზე რა კომენტარებს წერენ, ზოგი ლარიზაციას აბრალებს, ზოგი იმეორებს რაც ჩასძახეს ამ წლების მანძილზე. ანალიტიკური გადაცემები არ გვაქვს. დღეს ვეღარ აუხსნით, ვისაც არ სჯერა. ყველაფრის ახსნას თავისი დრო აქვს. ელემენტარული ცოდნაა საჭირო რა ფაქტორები მოქმედებს ნებისმიერი ვალუტის კურსზე.
იგივე ეხება კრიმინალის გაშუქებას. საკუთარი დღის წესრიგი თავზე მოგახვიათ ოპონენტებმა, სამჯერ ნაკლები პატიმრების პირობებში ნაკლები მკვლელობა, გაუპატიურება და ყაჩაღობა ხდება. სამართალდარღვევების საერთო რაოდენობის ზრდა გამოწვეულია ერთი მხრივ მეთოდიკის ცვლილებით, მეორე მხრივ მიდგომების შეცვლით. კერძოდ, როცა რეკავენ 112-ზე და აფიქსირებენ სამართალდარღვევას, ეს უკვე ემატება ერთიან სტატისტიკას. ბევრჯერ გამოვაქვეყნე ძველი სტატისტიკა შედარებისთვის და შემდეგ პოსტში უფრო მარტივი ფორმით დავდებ. უბრალოდ, რა ლოგიკით გახვევენ თავზე ოპონენტები, რომ მაშინ როცა 2006-დან 2012-მდე წელიწადში ხდებოდა 102-დან 330 განზრახ მკვლელობამდე, უფრო დაცულები იყო მოსახლეობა, ვიდრე 2012-დან 2019-მდე, როცა 77-დან 120 მკვლწლობამდე ხდება წელიწადში? იგივე ეხება ქურდობას, ძარცვა, ყაჩაღობას. დებატებზე უნდა წაიღოთ სლაიდები და აჩვენოთ.
დებატებზე გიორგი გახარია უნდა იყოს წარმოდგენილი, რომელსაც შეუძლია მარტო ესაუბროს მთელ საპარლამენტო ოპოზიციას ყველა თემაზე. ამ სამ ჟურნალისტსაც გაუძლებდა კი არა, იქეთ გაუმკლავდებოდა.
სლაიდებით უნდა წარმსდგარიყავით. 700-ზე მეტი საწარმოა გახსნილი, ასობით სკოლა შეკეთდა ან ახალი გაიხსნა, ავტობანი სამჯერ მეტი დაიგო, 300 ათას აბონენტს გაზი მიეწოდა, 24-საათიანი წყლის მომარაგება გაიზარდა, თუმცა შორსაა სასურველი შედეგიდან, მასწავლებლების ხელფასები საგრძნობლად გაიზარდა, 3 ათასი კმ გზა დაიგო და ა.შ. თქვენს გაკეთებულზე ჩვენ უნდა ვწეროთ, თუ თქვენ უნდა ილაპარაკოთ დებატებზე?
თუ არ გჯერათ ჩემი, წაიკითხეთ ათასობით კომენტარი და ემოციები სოციალურ ქსელში.
კიდევ ერთი. ქართულ ოცნებას უკრძალავენ 9 წელზე საუბარს, ეგრევე აწყვეტინებენ. ნაციონალური მოძრაობა 9 წელი შევარდნაძის 10 წელზე გველაპარაკებოდა და თავს ადარებდა (ამას ცალკეც დავწერ), შევარდნაძე დანგრეული 90-იანების დასაწყისთან შედარებით იწონებდა თავს. ე.ი. ენმ-ისთვის 10 წელზე შეიძლებოდა საუბარი და ოცნებას 9 წლის გახსენება ეკრძალება. ოცნება როცა წავა, ოდესმე, მის პერიოდს შემდეგი ხელიაუფლება თავს არ შეადარებს?
დებატებით რომ დავამთავრო. ტრამპი ბაიდენთან სადებატოდ 5 საათით ადრე მივიდა. დებატების წინ მთელი პიარ ჯგუფი მუშაობს დებატების მონაწილეებთან, წინასწარ გადიან შესაძლო კითხვებს და ამზადებენ პასუხების, მათ შორის ჩაკითხვების საუკეთესო ვარიანტებს.
გუშინ, ისევე როგორც მანამდე სხვა პარტიების დებატებისას, პარტიის სამომავლო გეგმებზე დეტალურად ვერ იმსჯელეს”