ჟურნალისტი გია გაბრიჭიძის პოსტი ფეისბუქში:
“IPM-ის “კვლევასთან” დაკავშირებით მინდა ვთქვა:
რევოლუციაო? ჯერ მეგი გოცირიძეს დააწერეთ “ავრორა”, ნიკანორას მატროსი ჟელეზნიაკი და მერე დაიწყეთ, თქვენ მართლა ტროცკისტები ხომ არ გგონიათ თავი?ერთი ბოკუჩავა მყავს ლარისა რეისნერი და მეორე სანდრა რულოვსი – კრუპსკაიაინესა არმანდის როლზე ვინ განამწესეთ? რევოლუცია რომ მოახდინო, ჯერ თეორიულად უნდა იცოდე პრინციპები. ვინ იცის ეს? ხაბეიშვილმა, თუ აფერისტმა შკლიაროვმა? ჰო, “პაკრიშკების” შეგროვება დაიწყეთ და ამსტერდამიდან გამოგზავნილებს დაელოდეთ.
ვაი თქვენს პატრონს, თქვე საცოდავებო ახლა კი მცირე თეორიული კურსი:
რევოლუცია რომ მოაწყო, ამისთვის ერთი უმარტივესი პირობა უნდა არსებობდეს და რამდენიმე თავად უნდა შექმნა.
1. უნდა არსებობდეს რევოლუციისთვის აუცილებელი საწყისი – ზემოურებს არ უნდა შეეძლოთ და ქვემოურებს არ უნდა სურდეთ.
დღეს საქართველოში არის საკმაოდ საინტერესო მოცემულობა – ზემოურებს მართვა შეუძლიათ და ქვემოურებს მართვის ეს ფორმა მოსწონთ, მაგრამ ზემოურები თავად ქმნიან იმ სიტუაციას, რომ ქვემოურებს ბოლომდე ამოუვიდეთ ყელში მათი ლოიალური და პოლიტკორექტული დამოკიდებულება აშკარა მტრებთან, რაც თავის თავში რევოლუციის წინაპირობა ნამდვილად არ არის, მაგრამ თუ რამე მოხდა, ამ შემთხვევაში ყველა პოლიტიკური ძალა ხალხისგან განადგურდება.
2. უმთავრესი პირობა რაც რევოლუციონერებმა უნდა შექმნან არის – მარატი, ლენინი, ტროცკი, რობერსპიერი, ლიბკნეხტი და თუნდაც ემილიან პუგაჩოვი, რომლებიც დღევანდელი საქართველოს ლიბერალურ პოლიტიკურ სპექტრში არ არსებობს.
3. აუცილებელია “ავრორა” და შეიარაღებული მთვრალი მატროსები, რომელთაც ზურგში ლატვიელ მსროლელთა პოლკის ხიშტები ექნებათ მიბჯენილი.
4. აუცილებელია მატროსი ჟელეზნიაკი რომელიც პარლამენტში შევარდება და პარლამენტარებს მაუზერის მუქარით სახლებში გაყრის.
ეს არის ის აუცილებელი პირობები, რომელთა არსებობა განაპირობებს რევოლუციას და არა ვიღაც მდაბიო და გონებრივად განუვითარებელი ტიპების იდიოტური ფბ პოსტები. წიგნები წაიკითხეთ თქვე ბოლომდე დაუმზადებელო ბაქიბუქა არსებებო და რევოლუციებზე ან პოლიტიკოსობაზე მერე იფიქრეთ” – წერს გაბრიჭიძე.