პარტია “ნაციონალური მოძრაობის” წევრი მეტსახელით “გიორგი მაისურაძე” ზვიად კუპრავას არჩევნებზე გაყალბების სქემის გამოყენებაში ამხელს, მაისურაძის თქმით ზვიად კუპრავას დავალება პირნათლად შეასრულა, თუმცა ანაზღაურება ვერ მიიღო და სწორედ ამიტომ აპირებს სიმართლე თქვას.
“მარშალპრესი” გიორგი მაისურაძის ინტერვიუს უცვლელად გთავზობთ:
“ზვიად კუპრავა “ერთიანი ნაციონალური მოძრაობის” საბურთალოს შტაბის ხელმძღვანელია, გუშინ პარტიულ აგიტატორებს დაგვავალა საარჩევნო უბნებიდან ცარიელი, შემოუხაზავი ბიულეტენების გამოტანა და შეგვპირდა, რომ ბიულეტენში 50 ლარს გადაგვიხდიდა, კუპრავას უნდოდა სულ 41 ცარიელი ბიულეტენი შეგვეგროვებინა და მისთვის გადაგვეცა, მისი თქმით “ოცნებისთვის” მაგარი რამის გაჩალიჩებას აპირებდა და იქ ზემოთ დაუფასებდნენ, როგორც მას ისე ჩვენ.
ჩვენ ჩვენი დავალება პირნათლად შევასრულეთ, თუმცა ფული დრეს არ მოგვცა და გვითხრა ამ დღეებში მიიღებთო, არადა პირობა სულ სხვა იყო. ვიცი ეგ არაფრის მომცემი არაა და ამიტომ მინდა ყველამ იცოდეს, სანამ ესეთი ნაძირალები გვეყოლება პარტიაში მხარდამჭერებს დავკარგავთ.
როცა ბიულეტენები შეაგროვა პარკში გაახვია და დიღომში თავის ძმას გაატანა. გეგმა მარტივი იყო: 41 ცარიელი ბიულეტენი ნომერ “55” საარჩევნო უბანთან ნაგავში უნდა ჩაედო. კუპრავა ღადაობდა 5 ჩვენია და 55 ნომერი უბანი მაგარი “ნამიოკიაო, ნაგავში 41-ს ვაგდებ და ნახე რა ავწიოო. შემდეგ ყველაფერი მარტივად გააკეთა დიღომში მოვიდა და სპექტაკლი დადგა – ნაგვის ურნასთან ყარაულად თავისი ძმა დააყენა და საწყალ აგიტატორ ქალს უთხრა ეხლა “ტვ პირველს” მოვიყვან, პოლიციას გამოვიძახებ და შენ თქვი, რომ ეს ბიულეტენები ნაგავში იპოვეო. სწორედ ასე მოიქცა კუპრავა გაწირა ის საწყალი ქალიც და ჩვენც გადაგვაგდო, მინდა რომ ეს ყველამ იცოდეს და ეგ ნაძირალა შტაბის უფროსად კი, არა ხაჭაპურზეც არ უნდა გაუშვა მტელ დაფინანსებას თვითონ და თავის ძმა ჭამს, ეს ალბათ არ იციან მთავარ შტაბში, ხოდე ეხლა ხომ გაიგებენ?” -განაცხადა ჩვენმა ინკოგნიტო წყარომ “გიორგი მაისურაძემ”
შეგახსენებთ, რომ ზვიად კუპრავა 55-ე საარჩევნო უბანზე ე.წ.” ნაპოვნი” 41 ბიულეტენის გამო არჩევნების გაყალბებულად გამოცხადებას ითხოვს.