თუ ყველა ვატარებთ ნიღაბს, ჩვენს რეგიონში დამატებით 244 000 სიკვდილს ავიცილებთ, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.
„მომდევნო თვეების განმავლობაში ევროპის ქვეყნებში სიტუაცია კიდევ და კიდევ დაიძაბება. მინდა კიდევ ერთხელ მოვუწოდო მოსახლეობას, მხოლოდ გაამახვილონ ყურადღება ნიღაბზე. ნიღბის საყოველთაო ტარებით შეგვიძლია ჩვენს ქვეყნებში დამატებითი 244 000 სიკვდილი ავიცილოთ თებერვლის ბოლომდე“, – განაცხადა გამყრელიძემ.
ცნობისთვის, მთავრობისა და საკოორდინაციო საბჭოს გადაწყვეტილებით, საქართველოს მთელ ტერიტორიაზე დახურულ და ღია სივრცეში პირბადის ტარება სავალდებულოა. რეკომენდაციის დარღვევის შემთხვევაში მოქალაქე 20 ლარით დაჯარიმდება.
ამ დროისთვის საქართველოში კორონავირუსის 51 993 შემთხვევაა დადასტურებული. გამოჯანმრთელებულთა რაოდენობა 37 019-ს შეადგენს. გარდაიცვალა 423 მოქალაქე. უცხოეთიდან სამკურნალოდ გადმოყვანილია საქართველოს 41 მოქალაქე.